САНАМЖ

• 1. ШУТИС-ийн бакалаврын хөтөлбөрүүдэд дараах шалгууруудын аль нэгийг хангасан бүртгүүлэгчийг өдрийн ангид шууд элсүүлэн суралцуулна. Үүнд:
  • 1.1. Аль нэг их, дээд сургуульд бакалаврын боловсрол эзэмшсэн иргэн;
  • 1.2. ШУТИС-д элсэлт авах бакалаврын хөтөлбөрийн чиглэлээр техникийн боловсролын дипломтой иргэн;
  • 1.3 ШУТИС-д элсэлт авах бакалаврын хөтөлбөрийн дагуу инженер, технологийн чиглэлийн шаталсан сургалттай сургуулийг төгссөн иргэн;
• 2. Өдрийн ангийн сургалт ажлын өдрүүдэд, ажлын цагаар зохион байгуулагдах тул элсэх хүсэлтэй иргэд өөрийн боломжийг урьдчилан судалж бүртгүүлэхээсээ өмнө шийдвэр гаргасан байх шаардлагатай.
• 3. Суралцах иргэдийг цахим системээр 2024 оны 08 сарын 14-ны өдрөөс бүртгэнэ.
• 4. Бүртгүүлэгч нь бүртгэлийн системд хувийн болон бусад шаардсан мэдээллийг зааврын дагуу бөглөж бүртгүүлнэ. (Суралцах гэрээ байгуулах үед бүртгэлийн мэдээллийг эх бичиг баримтуудтай нь тулгаж баталгаажуулна). Бүрдүүлэх материал:
  • 4.1. Өмнө нь эзэмшсэн бакалаврын, техникийн эсвэл бусад шаталсан сургалттай сургуулийн (Коосэн гэх мэт) боловсролын диплом, хавсралтын хамт (Гадаадад бакалаврын боловсрол эзэмшсэн бол албан ёсны орчуулга хийлгэн, нотариатаар батлуулсан байх);
  • 4.2. Иргэний үнэмлэх эсвэл түүнтэй адилтгах бичиг баримтын хуулбар (ар, өвөр тал нэг нүүрэнд);
  • 4.3. Цээж зураг (сүүлийн 3 сард авахуулсан, 3×4 хэмжээтэй байх).
  • 4.4. Дипломын тодорхойлолт (E-Mongolia). Бүртгүүлэгчийн өмнө нь эзэмшсэн бакалавр болон түүнээс дээш боловсролын диплом нь БШУЯ-ны Дээд боловсролын удирдлагын мэдээллийн системд бүртгэгдсэн байх шаардлагатай.
• 5. Бүртгүүлэгчийн өмнө эзэмшсэн боловсролын дипломыг үндэслэн “ШУТИС-ийн бакалаврын сургалтын үйл ажиллагааг зохицуулах журам”-ын дагуу боломжит хичээлүүдийг дүйцүүлэн тооцож, бусад судлах шаардлагатай хичээлүүдээр суралцах төлөвлөгөө гарган, суралцуулна.